MALIN KUNDANG DALAM BAHASA SASAK

                MALIN KUNDANG

Leq jaman laeq, araq sopoq keluarge begedeng leq sedi pante Sumatra.  Keluarge siq endot  bedoe anaq  sekeq arane malin kundang. Sengakne siq keluarge sino miskin, iye ampoqne amaqne lalo pete pegawean aning negare sebrang.

Beleq harepan malin kance inaqne, jemaq mun jaq uleq amaqne jauq’ang kepeng lueq-lueq adeqne siq jemaq bau beli siq tebutuhang bilang jelo. Uwah siqne bebulan-bulan lalo amaqne ndeqne uleq-uleq sampeq ne jerak angenang amaqne.

Seuwahne beleq malin kundang, malin kundang mikir melene lalo aning negare sebrang iye berangen jemaq mun wah tulaq aning desene, iye gene jari dengan sugih. Wah ne ngeno malin kundang lalo belayar kance nahkoda kapal dagang leq desene siq uwah sugih.

Leq kapal, malin kundang lueq berajah masalah pelayaran kance anaq buah kapal saq uwah araq pengalaman. Malin berajah pacu-pacu leq baturne masalah kapal, sengak iye ceket dalem masalah       kapal.

Lueq kampong saq uwah sinedatengin, sopoq jelo leq tengaq langan, kapal siq tetaekan isiq malin kundang terampok isiq perompak. Lueq isin kapal tematek isiq perompak. Malin kundang besyukur endekne tematek isiq perompak, soalne waktune rebut-ribut siq no beseboq keq kamar kocet siq betutup isiq kayuk.

Malin kundang                          leq tengak pante. Jangkene kapalne kesasar leqpinggir pante. Kadu sise balung siq araq, malin kundang lekaq aning dese siq rapet lengan pante. Uwahne dating dese ino, malin kundang tetulung isiq dengan siq araq leq dese ino siq uwahne siq becerite peristiwe siq daitne. Dese siq taoq ne malin kesasar , dese siq makmur subur. Isiq pacu ne begawean malin suwe-suwe jari dengan sugih. Iye bedoe loeq kapal dagangkance anaq buah siq lueq satus dengan. Seuwah ne jari dengan sugih, malin kundang merariq kance dedare siq jari seninaqne.

Seuwahne merariq, malin bareng seninaqne lalo belayar kadu kapal beleq kance bagus kance anak buah ne siq lueq. Inaq ne malin kundang bilang jelo antih anakne uleq, uwahne gitak kapal sih bagus ino, tame joq pelabuan. Iye gitak duwe dengan nganjeng leq atas kapal. Inaq ne nyadu siq nganjeng leq atas kapal ino anaq ne kance seninaqne malin kundang.

Malin kundang turun lengan kapal ne. iye te sambut isiq inaqne. Wah rapet, inaqne seriok’ang kiwet leq betek kanan ne, seke percaye inaqne siq deket ne niki anakne malin kundang “ malin kundang anakku kan side lalo suwe laloqne, ndeq narak ceritene ? “ basene sambilne kapong bijene. Laguk kundang lepasne kapongan inaq ne ampoqne  sorong sampeqne gerik. “ nine endeqne taoq diqne ngakuk-ngaku jari inaq tiang” basene malin kundang joq inaqne. Malin kundang puraq-puraqne ndeq kenal inaqne. Soalne iye ilaq inaqne uwah toaq kance ngadu kelambi lenge. “ siq nine no inaq pelinggih? “ ongkat seninaq malin kundang beketoan. “ ndeq, iye no pekir miskin cume puraq-puraq ngakuk inaq tiang adeqne siq mauq harte bende” basene malin  jok seninaqne. Dengahne ongkat bijene, siq semele-melene isiq bijene inaqne malin kundang sili.inaqne endeqne dugak anakne ndeqne taoq diriqne. Isiq sili laloqne, inaqne malin kundang nongaq smbilne angkat imane joq atas “ saq kuase, mun tetu iye anak tiang, tiang kutuk iye jari batu” seuwahne pire keoneqne, angin beleq dating, umbaq beleq dateng iye isiqne kebalik kapal malin kundang, uwahne ngeno adeng-adeng awak malin kundang keras sue-sue berubah jari batu karang